Telephone:
+94779456435

Email:
editor.todaynewslk@gmial.com

විදුලි දුම්රියක යන්න ඔබටත් අවස්ථාවක් ලැබෙන ලකුණු! ගත් නවතම කැබිනට් තීරණය මෙන්න!

5 months ago

මෙරට පොදු ප්‍රවාහන පද්ධතිය නවීන ලෝකයට ගැළපෙන පරිදි පරිවර්තනය කිරීමේ අරමුණින්, කොළඹ නගරය වෙත දිවෙන ප්‍රධාන දුම්රිය මාර්ග ත්‍රිත්වයක් විදුලි දුම්රිය මාර්ග ලෙස ඉදිකිරීමට රජය තීරණය කර තිබේ. ප්‍රවාහන, මහාමාර්ග හා නාගරික සංවර්ධන අමාත්‍යවරයා විසින් ඉදිරිපත් කරන ලද විශේෂ කැබිනට් පත්‍රිකාවකට මෙලෙස අමාත්‍ය මණ්ඩල අනුමැතිය හිමිව ඇත.

මෙම ව්‍යාපෘතිය යටතේ දිනකට ලක්ෂ සංඛ්‍යාත මගීන් පිරිසක් ගමන් ගන්නා, අධික මගී තදබදයක් පවතින දුම්රිය මාර්ග කලාපයන් විද්‍යුත්කරණය කිරීමට නියමිතය.

මරදානේ සිට රාගම දක්වා වන දුම්රිය මාර්ග කොටස විදුලි දුම්රිය මාර්ගයක් ලෙස ඉදිකිරීම.

මරදානේ සිට මාකුඹුර (බහුවිධ ප්‍රවාහන මධ්‍යස්ථානය) දක්වා වන දුම්රිය මාර්ග කොටස විද්‍යුත්කරණය කිරීම.

මරදානේ සිට පානදුර දක්වා වන දුම්රිය මාර්ග කොටස විදුලි දුම්රිය ධාවනයට සුදුසු පරිදි සකස් කිරීම.

දුම්රිය මාර්ග විද්‍යුත්කරණයට සමගාමීව, මගී පහසුකම් ඉහළ නැංවීම සඳහා ප්‍රධාන මාර්ගයේ පිහිටි ගම්පහ, වේයන්ගොඩ, මිරිගම සහ පොල්ගහවෙළ යන දුම්රිය ස්ථානවල පවතින ගොඩනැඟිලි සහ යටිතල පහසුකම් ද නූතන තාක්ෂණයට ගැළපෙන පරිදි පූර්ණ සංවර්ධනයකට ලක් කිරීමට මෙමඟින් පියවර ගැනේ.