මාලබේ නගරයේ පොසොන් දන්සැලක් අසල පෝලිම් ප්රශ්නයක් දුරදිග යාමෙන් තරුණයකුට පහරදුන් 16 සහ 17 හැවිරිදි සැකකරුවන් පස්දෙනෙකු මාලබේ පොලිසිය අත්අඩංගුවට ගෙන තිබෙනවා.
අදාළ පහරදීම ආරක්ෂක හිස්වැසුම් සහ අතින් පයින් සිදුකරන අයුරු දැක්වෙන වීඩියෝවක් සමාජ මාධ්ය ඔස්සේ සංසරණය වීමෙන් අනතුරුව, ලැබුණු පැමිණිල්ලක් මත පොලිසිය විමර්ශන ආරම්භ කළා.
විමර්ශනවලදී අනාවරණය වී ඇත්තේ, බත් දන්සැලක පෝලිමේ සිටි තරුණයා ඉදිරියෙන් පෝලිමට එක්වීමට උත්සාහ කළ පුද්ගලයන් දෙදෙනෙකුට පිටුපසින් රැඳී සිටින ලෙස දැනුම් දීම මෙම ගැටුමට හේතු වී ඇති බවයි.
ඒ අනුව, පට්ටියවත්ත පාර, කොතලාවල ප්රදේශයේ පදිංචි 16 සහ 17 හැවිරිදි සැකකරුවන් පස්දෙනෙකු අත්අඩංගුවට ගෙන තිබෙනවා.
සැකකරුවන් අද (1) කඩුවෙල මහේස්ත්රාත් අධිකරණයට ඉදිරිපත් කිරීමට නියමිත අතර, සිද්ධියට සම්බන්ධ තවත් පුද්ගලයන් අත්අඩංගුවට ගැනීම සඳහා මාලබේ පොලිසිය වැඩිදුර විමර්ශන සිදුකරයි.
