මුහුණු පොත (Facebook) සහ ටෙලිග්රෑම් (Telegram) සමාජ මාධ්ය ජාලයන් ඔස්සේ සබඳතා ගොඩනඟා ගනිමින්, අන්තර්ජාලය හරහා ව්යාපාර කර පහසුවෙන් මුදල් උපයා ගත හැකි බව පවසා මහා පරිමාණ මූල්ය වංචාවක නිරත වූ 23 හැවිරිදි සැකකරුවෙකු වයඹ පළාත් පරිගණක අපරාධ විමර්ශන අංශය විසින් අත්අඩංගුවට ගෙන තිබේ.
මෙම සැකකරු ඊයේ, එනම් 2026 ජූලි මස 02 වනදා දහවල් කාලයේදී සිදුකළ විශේෂ මෙහෙයුමකදී අත්අඩංගුවට පත්ව ඇති අතර, ඔහු බේරුවල ප්රදේශයේ පදිංචිකරුවෙකු බව පොලිසිය හඳුනාගෙන ඇත.
එම විමර්ශනවලදී අනාවරණය වී ඇත්තේ සැකකරු මෙම සූක්ෂ්ම ක්රමවේදය දිගින් දිගටම යොදාගනිමින් විවිධ පුද්ගලයන්ගෙන් රුපියල් හතළිස් තුන් ලක්ෂ අසූ හයදහස් දෙසිය දහනවයක (රු. 4,386,219.00) මුදලක් සෘජුවම වංචා කර ඇති බවයි. එමෙන්ම ඉන් රුපියල් ලක්ෂ 5කට අධික මුදලක් සැකකරු විසින් සාවද්ය ලෙස පරිහරණය කර ඇති බව ද සාක්ෂි සහිතව අනාවරණය වී තිබේ.
සිද්ධිය සම්බන්ධයෙන් වයඹ පළාත් පරිගණක අපරාධ විමර්ශන අංශය වැඩිදුර විමර්ශන සිදු කරයි.
