දිවයින හරහා පවතින සක්රිය නිරිතදිග මෝසම් තත්ත්වය හේතුවෙන් මධ්යම, උතුර සහ උතුරු මැද පළාත්වලටත් රත්නපුර, හම්බන්තොට සහ ත්රිකුණාමලය දිස්ත්රික්කවලටත් පැයට කිලෝමීටර් 40 – 50ක පමණ තද සුළං ඇති විය හැකි බව කාලගුණ විද්යා දෙපාර්තමේන්තුව පවසයි.
එමෙන්ම, කන්කසන්තුරය සිට මන්නාරම හරහා කල්පිටිය දක්වා සහ මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළඟේ වේගය පැයට කිලෝමීටර් 55 – 65 දක්වා වැඩිවිය හැකි බැවින් එම මුහුදු ප්රදේශ විටින් විට ඉතා රළු විය හැකි බව ද ධීවර හා නාවික ප්රජාවට දැනුම් දෙමින් එම දෙපාර්තමේන්තුව සඳහන් කරයි.
