අනුරාධපුර එප්පාවල ඇතුළු අවට ප්රදේශ රැසකට දිගු කලක පටන් නීති විරෝධී මත්පැන් සහ මත්ද්රව්ය බෙදා හැරීමේ ජාවාරමක නිරතව සිටි, “දෝණී” නමැති අන්වර්ථ නාමයෙන් හඳුන්වන කාන්තාවක මත්ද්රව්ය සමඟ එප්පාවල පොලීසිය විසින් අත්අඩංගුවට ගනු ලැබ තිබෙනවා.
සැකකාරිය සන්තකයේ තිබී මත්ද්රව්ය ග්රෑම් 2.45ක් පොලිස් භාරයට ගෙන ඇති අතර, ඇය අධිකරණයට ඉදිරිපත් කිරීමෙන් පසු ලබන 15 වැනි දින දක්වා රක්ෂිත බන්ධනාගාර ගත කිරීමට නියෝග කර තිබෙනවා.
මෙසේ රක්ෂිත බන්ධනාගාර ගත කෙරුණේ පත්කොළවැටිය, එප්පාවල ලිපිනයේ පදිංචි “දෝණී” යන අන්වර්ථ නාමයෙන් හඳුන්වන දියණියන් දෙදෙනෙකු සිටින මවක්.
අනුරාධපුර එප්පාවල පොලිස් ස්ථානාධිපති ප්රධාන පොලිස් පරීක්ෂක ඊ.එස්. අබේසේකර ඇතුළු නිලධාරීන් පිරිසක් සිද්ධිය සම්බන්ධයෙන් විමර්ශන සිදු කළා.
