එළඹෙන නොවැම්බර් මාසය වන විට ඩෙංගු ව්යාප්තියේ යළි වර්ධනයක් බලාපොරොත්තු විය හැකි බව සෞඛ්ය නියෝජ්ය අමාත්ය වෛද්ය හංසක විජේමුණි පවසනවා.
අද මහනුවරදී පැවති වැඩසටහනකින් අනතුරුව මාධ්යවේදීන් නැගූ ප්රශ්නවලට පිළිතුරු ලබා දෙමින් ඔහු මේ බව කියා සිටියා.
මේ අතර ජාතික ඩෙංගු මර්දන වැඩසටහනට සමගාමීව පැලවත්ත විජිතපුර ප්රදේශයේදී මදුරු කීටයන් බෝවිය හැකි ලෙස පරිශ්ර පවත්වාගෙන ගිය පෞද්ගලික ආයතනයකට කඩුවෙල අධිකරණයේ නඩු පැවරීමටද කටයුතු කෙරුණා.
ගෙවුණු පැය 24 තුළද මෙරටින් ඩෙංගු රෝගීන් 1025ක් වාර්තා වීමත් සමඟ වසරේ මේ දක්වා වාර්තා වී ඇති සමස්ත ඩෙංගු රෝගීන් සංඛ්යාව 73455 ක් දක්වා ඉහළගොස් තිබෙනවා .
මේ අතර ඩෙංගු හේතුවෙන් වසරේ මේ දක්වා කාලය තුළ සිදුව ඇති මරණ සංඛ්යාවද 50 දක්වා ඉහළ ගොස් ඇති බවයි ජාතික ඩෙංගු මර්දන ඒකකය සඳහන් කළේ.
