ශ්රී ලංකාවේ තෙල් හා ගෑස් නිධි ප්රයෝජනයට ගැනීම සඳහා රජය අභිලාෂ කැඳවමින් ඉදිරි පියවර ගැනීම මෙරට ආර්ථිකයට නව අවස්ථාවක් උදාකර දෙන කාලෝචිත ක්රියාමාර්ගයක් බව පේරාදෙණිය විශ්වවිද්යාලයේ භූගර්භ විද්යා අංශයේ මහාචාර්ය අතුල සේනාරත්න මහතා පවසයි.
මන්නාරම් ද්රෝණියේ හෑරූ ගවේෂණ ළිං හතරෙන් දෙකකම සාර්ථක ලෙස ගෑස් නිධි හඳුනාගෙන ඇති අතර, එය ලෝක මට්ටමේ සාමාන්යයන් හා සසඳන විට 50%ක ඉහළ සාර්ථකත්වයක් බව උගතුන් පෙන්වා දෙයි.
තවද මෙම පෙට්රෝලියම් සම්පත් මන්නාරමෙන් ඔබ්බට පානදුර දක්වා වූ ගැඹුරු මුහුදු තීරයේද පැවතිය හැකි බවට ගවේෂණ වාර්තා සනාථ කරයි.
2001 සිට වසර 25කට අධික කාලයක් පුරා පේරාදෙණිය විශ්වවිද්යාලය හරහා පෙට්රෝලියම් භූ විද්යාඥයින් පුහුණු කර ඇති බැවින්, ඉදිරි ගවේෂණ සඳහා අවශ්ය දේශීය තාක්ෂණික පිරිස් සපයා ගැනීමේ හැකියාවද පවතී.
දේශීය ගෑස් සම්පත් භාවිතයට ගැනීමෙන් ආනයන සඳහා වැයවන විශාල විදේශ විනිමය ප්රමාණයක් ඉතිරි කරගත හැකි බව මහාචාර්යවරයා වැඩිදුරටත් අවධාරණය කළේය.
