පුත්තලම මහ නගර සභාවට සමගි ජන බලවේගය නියෝජනය කළ සභිකයෙකුගේ පක්ෂ සාමාජිකත්වය අත්හිටුවීමට එම පක්ෂය තීරණය කර තිබේ.
සජබ මහලේකම් රංජිත් මද්දුමබණ්ඩාරගේ අත්සනින් යුතුව නිකුත් කළ නිවේදනයක දැක්වෙන්නේ සිය පක්ෂයේ කළමනාකරණ කමිටුවේ හා පක්ෂ කෘත්යාධිකාරී මණ්ඩලයේ තීරණයට අනුකූලව පුත්තලම මහ නගර සභාවේ සභාපති හා උප සභාපති පත් කිරීමේ දී කටයුතු නොකිරීම මීට හේතුව බවයි.
ඒ අනුව පක්ෂ සාමාජිකත්වය තහනම් වී ඇත්තේ එන්. එම්.එන්. නුස්කි සභිකයාගේ බවටත් වාර්තා වනවා.
