දේශීය රන් මිලෙහි විශාල පහළ යෑමක් අද (23) දිනයේදී වාර්තා වී තිබෙනවා.
පසුගිය සතියේ මිලට සාපේක්ෂව රන් පවුමක මිල රුපියල් 77,000කින් පමණ අඩුවී ඇති අතර, අද දිනය තුළදී පමණක් එය රුපියල් 10,000කින් පහළ ගොස් තිබුණා.
ඒ අනුව, කොළඹ හෙට්ටිවීදිය රන් වෙළෙඳපොළේ කැරට් 22 රන් පවුමක නව මිල රුපියල් 302,300 දක්වා පහළ ගොස් තිබෙනවා.
පසුගිය සිකුරාදා එම මිල පැවතුණේ රුපියල් 379,200 ක් ලෙසයි.
කැරට් 24 රන් පවුමක නව මිල රුපියල් 330,000 දක්වා පහළ ගොස් තිබෙනවා.
පසුගිය සිකුරාදා එම මිල දැක්වුණේ රුපියල් 410,000 ක් ලෙසයි.
