Telephone:
+94779456435

Email:
editor.todaynewslk@gmial.com

සෙනෙහසේ කැදැල්ල සම්පූර්ණයෙන්ම ගිනිබත් වෙයි! 11ක් මරුට! තුනක් අතුරුදන්!

6 months ago

අඟුරුවාතොට, බටගොඩ ප්‍රදේශයේ පිහිටි ‘මව්පිය සෙවන සෙනෙහසේ කැදැල්ල’ නම් පෞද්ගලික වැඩිහිටි රැඳවුම් මධ්‍යස්ථානයේ ඊයේ (03) පස්වරුවේ හටගත් හදිසි ගින්නකින් පුද්ගලයින් 11 දෙනෙකු ජීවිතක්ෂයට පත්ව තිබේ.

ගින්න හටගන්නා අවස්ථාවේදී අදාළ මධ්‍යස්ථානය තුළ පුද්ගලයින් 72 දෙනෙකු පමණ සිට ඇති අතර, ඉන් 51 දෙනෙකු නිරුපද්‍රිතව බේරාගෙන ආරක්ෂිත ස්ථානයක් වෙත යොමු කර ඇත.

මියගිය අය අතරින් 10 දෙනෙකුම එම ස්ථානයේදීම මියගොස් ඇති අතර, තවත් අයෙකු රෝහල් ගත කිරීමෙන් අනතුරුව මියගොස් ඇත. තුවාල ලැබූ තවත් 7 දෙනෙකු හොරණ දිස්ත්‍රික් රෝහලේ ප්‍රතිකාර ලබමින් සිටින අතර, තවත් තිදෙනෙකු අතුරුදන්ව ඇති බව පොලීසිය තහවුරු කරයි.

පෞද්ගලික ආයතනයක් ලෙස පවත්වාගෙන ගිය මෙම මධ්‍යස්ථානයේ මානසික ආබාධ සහිත පුද්ගලයින් ද රැඳී සිට ඇත.

අද (04) පෙරවරුවේ සිද්ධිය සම්බන්ධයෙන් මහෙස්ත්‍රාත් පරීක්ෂණය පැවැත්වීමට නියමිතව ඇති අතර, ඉන් අනතුරුව මළ සිරුරු එම ස්ථානයෙන් ඉවත් කිරීමට පියවර ගන්නා බව පොලීසිය සඳහන් කරයි.

ගින්න ඇති වීමට හේතුව මෙතෙක් අනාවරණය වී නොමැති අතර, සිද්ධිය පිළිබඳව විමර්ශනය කිරීමට පොලිස් කණ්ඩායම් තුනක් යොදවා තිබේ.