මැලේසියාවේදී අත්අඩංගුවට ගන්නා ලද ශ්රී ලාංකික ප්රබල සංවිධානාත්මක අපරාධ කල්ලි ක්රියාකාරීන් තිදෙනෙකු අද (10) පස්වරුවේ දිවයිනට රැගෙන ඒමට නියමිත බව වාර්තා වේ.
මෙම සැකකරුවන් පිරිසට එරෙහිව මිනීමැරුම්, කප්පම් ගැනීම් ඇතුළු සංවිධානාත්මක අපරාධ රැසකට අදාළව චෝදනා එල්ල වී තිබේ. මොවුන් දිවයිනට රැගෙන ඒමෙන් පසුව වැඩිදුර විමර්ශන සඳහා අදාළ අංශ වෙත භාරදීමට නියමිතය.
සහකාර පොලිස් අධිකාරී ඕලුගල මහතාගේ ප්රධානත්වයෙන් යුත් විශේෂ පොලිස් කණ්ඩායමක් විසින් මෙම සැකකරුවන් තිදෙනා දිවයිනට කැඳවාගෙන එනු ලබයි.
මෙලෙස රැගෙන එන සැකකරුවන් අතර ප්රබල සංවිධානාත්මක අපරාධකරුවෙකු වන ‘කංජිපානි ඉම්රාන්’ නැමැත්තාගේ ප්රධාන අනුගාමිකයෙකුද සිටින අතර, ඔහු අත්අඩංගුවට ගැනීම සඳහා ජාත්යන්තර පොලීසිය මඟින් රතු නිවේදනයක්ද නිකුත් කර තිබුණි.
