පුරාවස්තු සොයා ගැනීමේ අරමුණින් රහසිගතව කැණීම් සිදු කරමින් සිටි සැකකරුවන් සිව්දෙනෙකු ඒ සඳහා යොදාගත් නවීන තාක්ෂණික හා කැණීම් උපකරණ රැසක් සමඟ අත්අඩංගුවට ගැනීමට වැලිකන්ද පොලීසිය සමත්ව තිබේ.
වැලිකන්ද පොලිස් ස්ථානයේ නිලධාරීන් කණ්ඩායමකට ලැබුණු පූර්ව බුද්ධි තොරතුරකට අනුව ඊයේ (11) රාත්රී කාලයේ වැලිකන්ද පොලිස් වසමට අයත් මුතුවැල්ල ප්රදේශයේදී මෙම විශේෂ වැටලීම සිදුකර ඇත.
සැකකරුවන් අත්අඩංගුවට ගන්නා අවස්ථාවේදී ඔවුන් සතුව තිබී පුරාවස්තු සෙවීමට යොදාගත් ස්කැනර් යන්ත්රයක්, රවුටරයක්, පවර් බෑන්ක් එකක් සහ කැණීම් සඳහා භාවිතා කළ උපකරණ පොලිස් භාරයට ගෙන තිබේ.
අත්අඩංගුවට ගත් සැකකරුවන් වයස අවුරුදු 55, 59, 63 සහ 67 යන වයස්වල පසුවන වැලිකන්ද, හිඟුරක්ගොඩ, පොලොන්නරුව සහ මැදිරිගිරිය යන ප්රදේශවල පදිංචිකරුවන් බව පොලිස් මාධ්ය කොට්ඨාසය සඳහන් කරයි. වැලිකන්ද පොලීසිය සිද්ධිය සම්බන්ධයෙන් වැඩිදුර විමර්ශන පවත්වයි.
