මිනිස් සිරුරට දැනෙන උෂ්ණත්වය දිවයිනේ දිස්ත්රික්ක කිහිපයක අද (14) දිනයේදී අවධානය යොමු කළයුතු මට්ටමක් දක්වා ඉහළ යනු ඇති බව කාලගුණ විද්යා දෙපාර්තමේන්තුව නිවේදනය කරයි.
වව්නියාව, මුලතිව්, ත්රිකුණාමලය, පොළොන්නරුව, මඩකලපුව, අම්පාර සහ මොනරාගල යන දිස්ත්රික්ක සඳහා මෙලෙස අධික උණුසුම් කාලගුණ තත්ත්වයක් අපේක්ෂා කෙරේ.
අදාළ දිස්ත්රික්කවල සිරුරට දැනෙන උෂ්ණත්වය සෙල්සියස් අංශක 39ත් 45ත් අතර අගයක් ගනු ඇති බව කාලගුණ විද්යා දෙපාර්තමේන්තුව පෙන්වා දෙයි.
පවතින අධික උණුසුම් තත්ත්වය හමුවේ එළිමහනේ සිදුකරන අධික වෙහෙසකාරී කටයුතු හැකි තරම් සීමා කරන ලෙසත්, විජලනය වළක්වා ගැනීමට ප්රමාණවත් පරිදි නිතර ජලය පානය කරන ලෙසත් වෛද්ය හංසමාල් වීරසුරිය මහතා මහජනතාවගෙන් ඉල්ලා සිටියි.
