Telephone:
+94779456435

Email:
editor.todaynewslk@gmial.com

22, ලබන18 වැනිදා පාර්ලිමේන්තුවට

3 months ago

මෙරට අධිකරණ විනිසුරුවන්ගේ විශ්‍රාම වයස් සීමාව දීර්ඝ කිරීමට අදාළ 22 වැනි ආණ්ඩුක්‍රම ව්‍යවස්ථා සංශෝධන පනත් කෙටුම්පත එළැඹෙන අගෝස්තු 18 වැනිදා පාර්ලිමේන්තුවට ඉදිරිපත් කරන බව අධිකරණ අමාත්‍ය නීතිඥ හර්ෂණ නානායක්කාර මහතා තහවුරු කරයි.

ඊට සමගාමීව අධිකරණ සංවිධාන සංශෝධන පනත් කෙටුම්පත ද එදිනම පාර්ලිමේන්තුවට ඉදිරිපත් කිරීමට නියමිතය.

මෙම සංශෝධනයට එරෙහිව ත්‍රෛනිකායික මහානායක හිමිපාණන් වහන්සේලා, ශ්‍රී ලංකා නීතිඥ සංගමය (BASL), විපක්ෂයේ දේශපාලන පක්ෂ සහ ජාත්‍යන්තර සංවිධාන ගණනාවක් මුල සිටම විරෝධය පළ කළහ.

විරෝධතා මධ්‍යයේ වුවද අගෝස්තු 7 වැනිදා අදාළ පනත් කෙටුම්පත ගැසට් මඟින් ප්‍රකාශයට පත්කළ අතර, ජනාධිපති අනුර කුමාර දිසානායක මහතා නීතිඥ සංගමයේ නිලධාරීන් හමු වූ අවස්ථාවේදී ද මෙහි අවශ්‍යතාවය අවධාරණය කළේය.