Telephone:
+94779456435

Email:
editor.todaynewslk@gmial.com

ජනතා මුදල් ගසාකන නවතම ජාවාරමක් පිළිබඳව තොරතුරු අනාවරණය වෙයි

3 months ago

සමාජ මාධ්‍ය ඔස්සේ ඉදිකිරීම් ක්ෂේත්‍රයේ භාණ්ඩ අලෙවිකරමින් මුදල් වංචා කිරීමේ සංවිධානාත්මක ජාවාරමක් ක්‍රියාත්මක වන බවට පොලීසිය මහජනතාවට අනතුරු අඟවයි. ඇස්බැස්ටෝස්, සිමෙන්ති ඇතුළු ගොඩනැගිලි ද්‍රව්‍ය වෙළෙඳපොළේ පවතින මිලට වඩා බෙහෙවින් අඩු මිලට ලබාදෙන බව පවසමින් සමාජ මාධ්‍යවල පළකරන පළ කරන දැන්වීම් හරහා මෙම ජාවාරම සිදුවන බව වාර්තා වේ.

අදාළ වංචාකරුවන් අන්තර්ජාලය ඔස්සේ ඇණවුම් ලබාගැනීමෙන් පසු, ඇණවුම් කළ පුද්ගලයා පදිංචි ප්‍රදේශයේ පිහිටි වෙනත් ගොඩනැගිලි ද්‍රව්‍ය අලෙවිකරුවෙකු ලවා භාණ්ඩ අදාළ ලිපිනයට ප්‍රවාහනය කිරීමට කටයුතු කරයි. භාණ්ඩ සහිත වාහනය එම ස්ථානයට පැමිණි වහාම වංචාකරුවන් විසින් ඇණවුම්කරු මුලා කරමින් තමන්ගේ බැංකු ගිණුමට මුදල් බැර කරවා ගැනීම සිදුකරනු ලබයි.

කෙසේවෙතත්, භාණ්ඩ ප්‍රවාහනය කළ රියදුරු මුදල් ඉල්ලා සිටින අවස්ථාවේදී පමණක් තමන් සංවිධානාත්මක මුදල් වංචාවකට හසුව ඇති බව අදාළ ඇණවුම්කරුට තහවුරු වේ. මෙවැනි සිදුවීම් සම්බන්ධයෙන් පොලීසියට පැමිණිලි රැසක් ලැබී ඇති බැවින්, අන්තර්ජාලය ඔස්සේ සිදුකරන මෙවැනි ගනුදෙනුවලදී වැඩි අවධානයකින් කටයුතු කරන ලෙස පොලීසිය මහජනතාවගෙන් ඉල්ලා සිටියි.