Telephone:
+94779456435

Email:
editor.todaynewslk@gmial.com

බැසිල් රාජපක්ෂගේ ඇප මුදල් රාජසන්තක කිරීමට නියෝගයක්

3 months ago

අධිකරණය හමුවේ පෙනී නොසිටීම හේතුවෙන් හිටපු අමාත්‍ය බැසිල් රාජපක්ෂ මහතා තැන්පත් කර ඇති ඇප මුදල් රාජසන්තක කිරීමට මාතර මහේස්ත්‍රාත් අධිකරණය නියෝග කර තිබෙනවා.

මාතර බ්‍රවුන්ස්හිල් ප්‍රදේශයේ අක්කර එකහමාරක පමණ ඉඩමක් අයථා ලෙස උපයාගත් බවට චෝදනා කෙරෙන මුදල් යොදා ගනිමින් මිලදී ගැනීම සම්බන්ධයෙන් මෙම නඩුව විභාග වනවා.

නඩුව ඊයේ(18) යළි කැඳවූ අවස්ථාවේදී බැසිල් රාජපක්ෂ මහතා අධිකරණයට පිළිගත හැකි වෛද්‍ය වාර්තාවක් ඉදිරිපත් නොකර දිගින් දිගටම අධිකරණය හමුවේ පෙනී නොසිටීම සම්බන්ධයෙන් කරුණු සලකා බැලුණා.

ඒ අනුව ඔහු තැන්පත් කර ඇති ඇප මුදල් රාජසන්තක කිරීමට මාතර මහේස්ත්‍රාත් චතුර දිසානායක මහතා නියෝග කළා.

එමෙන්ම බැසිල් රාජපක්ෂ මහතා වෙනුවෙන් ශරීර ඇප අත්සන් කළ පුද්ගලයන් තිදෙනෙකුට දඩ නියම කර තිබෙනවා.

එම දඩ මුදල් නොගෙවන්නේ නම් ඔවුන් බන්ධනාගාරගත කිරීමටද මහේස්ත්‍රාත්වරයා නියෝග කර ඇති බව සඳහන්.

බැසිල් රාජපක්ෂ මහතාට නිකුත් කර ඇති වරෙන්තුව ලබන ඔක්තෝබර් 27 වැනිදා දක්වා දීර්ඝ කිරීමටද අධිකරණය නියෝග කර තිබෙනවා.