Telephone:
+94779456435

Email:
editor.todaynewslk@gmial.com

පලෙයි සිද්ධිය ගැන පොලීසිය සිදුකළ විමර්ශනයෙන් කරුණු රැසක් එළියට

3 months ago

පලෙයි ප්‍රදේශයේ මහ කැලෑව එළිකර තට්ටු 03ක ගොඩනැගිල්ලක් සාදා එල්.ටී.ටී.ඊ කඳවුරක් සහ බෝම්බ නිෂ්පාදනාගාරයක් පවත්වාගෙන යන බවට සමාජ මාධ්‍ය ඔස්සේ සංසරණය වූ වීඩියෝ පටය සහ ප්‍රකාශය සම්පූර්ණයෙන්ම අසත්‍ය සහ පදනම් විරහිත බව ශ්‍රී ලංකා පොලීසිය නිවේදනය කරයි.

අදාළ වීඩියෝව අනුව එම ස්ථානය කිලිනොච්චිය පොලිස් කොට්ඨාසයේ අක්කරායන්කුලම පොලිස් වසමට අයත් කන්නගිපුරම බටහිර, මුක්කම්පන් ප්‍රදේශය ලෙස හඳුනාගෙන ඇත. කිලිනොච්චිය කොට්ඨාසභාර ජ්‍යෙෂ්ඨ පොලිස් අධිකාරීවරයා සහ ත්‍රස්ත මර්දන හා විමර්ශන කොට්ඨාසය (CTID) එක්ව සිදුකළ විමර්ශනවලදී එහි කිසිදු පුපුරණ ද්‍රව්‍ය නිෂ්පාදනයක්, ත්‍රස්ත හෝ අන්තවාදී සංවිධානයක සංග්‍රාමික පුහුණුවක් සිදුනොවන බව තහවුරු වී තිබේ.

කෙසේ වෙතත්, අදාළ ස්ථානයේ නීතිවිරෝධී ලෙස කැලෑ එළිපෙහෙළි කිරීමක් සහ නීතිවිරෝධී ලෙස වත්කම් උපයාගැනීමක් සිදුව ඇති බවට කරුණු අනාවරණය වී ඇති අතර, ඒ පිළිබඳව වැඩිදුර විමර්ශන ක්‍රියාත්මක වේ.

මෙම අසත්‍ය තොරතුරු ඇතුළත් වීඩියෝ පටය සහ මාධ්‍ය සාකච්ඡාව පවත්වා ප්‍රචාරය කිරීම සම්බන්ධයෙන් අගෝස්තු 18 වනදා බෙල්ලන්විල ප්‍රදේශයේ පදිංචි 46 හැවිරිදි පුද්ගලයෙකු ත්‍රස්ත මර්දන හා විමර්ශන කොට්ඨාසය මඟින් අත්අඩංගුවට ගෙන ඇත. ඊයේ (19) කොළඹ ප්‍රධාන මහෙස්ත්‍රාත් අධිකරණය හමුවට ඉදිරිපත් කළ සැකකරු සැප්තැම්බර් මස 02 වන දින දක්වා රක්ෂිත බන්ධනාගාරගත කිරීමට නියෝග කර තිබේ.

(source – ada derana)