අවිධිමත් විදේශ ගමන් බලපත්රයක් ලබාගැනීමේ චෝදනාවට වරදකාරිය වී වසර දෙකක සිරදඬුවම් නියම වී සිටින ශෂී වීරවංශ මහත්මිය පෙර ඇප මත මුදාහැරීමට කොළඹ ප්රධාන මහෙස්ත්රාත් අධිකරණය අද (20) නියෝග කළේය.
මහාධිකරණය දුන් තීන්දුවට එරෙහිව ඇය විසින් ශ්රේෂ්ඨාධිකරණය වෙත අභියාචනයක් ඉදිරිපත් කර තිබීම සහ එම අභියාචනය ලබන මස කරුණු තහවුරු කිරීමට නියමිතව තිබීම සැලකිල්ලට ගනිමින් අධිකරණය මෙම නියෝගය ලබා දුන් අතර, නඩුව යළි සැප්තැම්බර් 27 වනදා කැඳවීමට නියම විය.
