මීගමුව බන්ධනාගාරයේ ඇති වූ හදිසි තත්ත්වය හේතුවෙන් රාජකාරියේදී දිවි පිදූ බන්ධනාගාර නිලධාරීන් වෙනුවෙන් ඔවුන්ගේ ඥාතීන්ට හා දූ දරුවන්ට වන්දි මුදල් පිරිනැමීම හා උපහාරය පුදකිරීම අද (21) දින බන්ධනාගාර මූලස්ථාන ශ්රවණාගාරයේදී පැවැත්වුණා.
ජාතික රක්ෂණ භාරකාර අරමුදලේ අග්රහාර රක්ෂණ ගෙවීම යටතේ හදිසි අනතුරු , මරණ වන්දි මුදල් ප්රතිලාභ යටතේයි මෙම වන්දිය ලබා දෙනු ලැබුවේ.
මෙහිදී මියගිය එක් නිලධාරියෙකු වෙනුවෙන් ලක්ෂ 20 ක වන්දි මුදලක් ද ලබාදෙනු ලැබුවා.
බන්ධනාගාර කොමසාරිස් ප්රසාද් හේමන්ත, ජාතික රක්ෂණ භාරකාර අරමුදලේ ප්රධාන විධායක නිලධාරී යුශාන් තරංග මහතා ඇතුළු පිරිසක් මේ සදහා සහභාගී වී සිටියා.
