අම්බලන්ගොඩ පොලිස් ස්ථානයේ නිලධාරීන් කණ්ඩායමක් විසින් පසුගිය 24 වනදා රාත්රියේ සිදුකරන ලද සැකකරුවෙකු අත්අඩංගුවට ගැනීමේ සිදුවීමකට අදාළව, එම නිලධාරීන් පිරිසට වහාම ක්රියාත්මක වන පරිදි ස්ථාන මාරුවීම් ලබා දී තිබෙනවා.
ගාල්ල දිස්ත්රික් (II) පොලිස් අධිකාරීවරයාගේ අධීක්ෂණය යටතේ සිදුකෙරෙන පරීක්ෂණවලට අනුකූලව, ගාල්ල දිසාව භාර නියෝජ්ය පොලිස්පතිවරයා විසින් මෙම නියෝග නිකුත් කර තිබුණා.
ඒ අනුව, අදාළ සැකකරු අත්අඩංගුවට ගත් නිලධාරීන් කණ්ඩායම භාරව සිටි උප පොලිස් පරීක්ෂකවරයා පසුගිය 25 වනදා සිට වහාම ක්රියාත්මක වන පරිදි ස්ථාන මාරු කර ඇති අතර, ඊට සම්බන්ධ අම්බලන්ගොඩ පොලිසියේ සැරයන්වරයෙකු සහ කොස්තාපල්වරයෙකු 26 වනදා සිට ස්ථාන මාරු කිරීමට පියවර ගෙන තිබෙනවා.
මෙම සිද්ධිය සම්බන්ධයෙන් වන විශේෂ විමර්ශන කටයුතු තවදුරටත් සක්රීයව ක්රියාත්මක වන බව පොලිසිය වැඩිදුරටත් සඳහන් කරනවා.
