සමගි ජන බලවේග පාර්ලිමේන්තු මන්ත්රීවරුන් හතර දෙනකු ආණ්ඩුවට එක්වනු ඇති බවට ඉහළ පෙළේ ආරංචි මාර්ග වාර්තා කරයි.
ඒ අනුව ඉදිරි සති කිහිපය ඇතුළත මෙම සිවු දෙනා ආණ්ඩුවට එක්වනු ඇති අතර ඔවුන්ට ඇමති ධූර ලබා දීම සම්බන්ධයෙන් සාකච්ඡා වෙමින් ඇතැයිද වාර්තා වේ.
මෙසේ ආණ්ඩුවට එක් වනු ඇත්තේ ගත වූ කාලය පුරාම ජනාධිපතිවරයා සහ ආණ්ඩුව සමඟ සමීපව කටයුතු කළ අයයි.
මෙම පිරිස පසුගිය කාල සීමාවේදී සමගි ජන බලවේග විසින් සංවිධානය කළ ජන හමු, විරෝධතා ආදියට වැඩි සහභාගිත්වයක් නොදැක්වූ අයද වෙති.
ජනාධිපති රනිල් වික්රමසිංහ මහතා ජනාධිපතිවරණය ඉලක්ක කරගනිමින් ඉදිරියේදී ජාතික ආණ්ඩුවක් නිර්මාණය කිරීමට නියමිත බව වාර්තා වන අතර එම අවස්ථාවේදී මෙම පිරිසද ආණ්ඩුව සමගින් එක්වනු ඇති බවයි පැවසෙන්නේ.


