Telephone:
+94779456435

Email:
editor.todaynewslk@gmial.com

කොදෙව්වන්ගේ ලෝක කුසලාන සිහිනය බොඳ වෙයි

2 years ago

2024 T20 ලෝක කුසලාන ක්‍රිකට් තරගාවලියේ සුපිරි 08 දෙනාගේ වටයේ දකුණු අප්‍රිකාව සහ බටහිර ඉන්දීය කොදෙව් අතර අද පැවැති තරගය කඩුලු 03කින් ජය ගැනීමට දකුණු අප්‍රිකානු කණ්ඩායම සමත් වුණා.

තරගයේ පළමුවෙන් පන්දුවට පහරදුන් බටහිර ඉන්දීය කොදෙව්වන් කඩුළු 08ක් දැවී ලකුණු 135ක් රැස්කළ අතර ලකුණු 136ක ඉලක්කයක් හඹායාමට පිටියට පිවිසි දකුණු අප්‍රිකානු කණ්ඩායමට වර්ෂාවෙන් බාධා එල්ල වුණා.

අනතුරුව ඩක්වත් ලුවිස් න්‍යායට අනුව පන්දුවාර 17කට තරගය සීමා කළ අතර එහිදී දකුණු අප්‍රිකානු කණ්ඩායමට ජයග්‍රහණය සඳහා ලකුණු 123ක ඉලක්කයක් හිමි වුණා.

ඒ අනුව, දකුණු අප්‍රිකා කණ්ඩායම පන්දුවාර16යි පන්දු 01ක් අවසානයේ කඩුලු 07ක් දැවී ලකුණු 124ක් ලබා ගනිමින් මෙම තරගයේ ජය වාර්තා කිරීමට සමත් වුණා.

ඒ අනුව අවසන් පූර්ව වටයට සුදුසුකම් ලබාගැනීමට දකුණු අප්‍රිකාව සමත් වූ අතර සම-සත්කාරක බටහිර ඉන්දීය කොදෙව් කණ්ඩායම තරගාවලියෙන් ඉවත් වුණා.