Telephone:
+94779456435

Email:
editor.todaynewslk@gmial.com

ඡන්දෙට බෙදන්න ගෙනා පැදුරු සහ ඇඳ ඇතිරිලි තොගයක් හසුවෙයි

2 years ago

මෙවර  පළාත් පාලන මැතිවරණය වෙනුවෙන් ඡන්ද දායකයන්ට බෙදා දීම සඳහා මන්නාරම අඩම්පන් ප්‍රදේශයේ නිවසක සඟවා තිබූ පැදුරු සහ ඇඳ ඇතිරිලි තොගයක් සොයාගත් බව අඩම්පන් පොලිසිය පවසනවා.  

එහිදී ප්ලාස්ටික් පැදුරු 1400 ක් අඩංගු පාර්සල් 28 ක් සහ ඇඳ ඇතිරිලි 1400 අඩංගු පාර්සල් 14 ක් මෙලෙස අත්අඩංගුවට ගෙන තිබෙන බව පොලීසිය සඳහන් කළා.

මැතිවරණය වෙනුවෙන් ඡන්දදායකයන්ට බෙදා දීම සඳහා ස්වර්ණපූරි ගම්මානයේ පාළු නිවසක භාණ්ඩ තොගයක් සඟවා ඇති බවට පොලිසියට ලද තොරතුරකට අනුව ඊයේ (01) එම නිවස සෝදිසියට ලක් කර තිබෙනවා.

මෙම සියලු දේපළ පොලිසිය බාරයට ගෙන ඇති අතර සිද්ධියේ සැකකරුවන් අත්අඩංගුවට ගැනීමට විමර්ශන ආරම්භ කර තිබෙන බව පොලීසිය වැඩිදුරටත් සඳහන් කළා.