මානව ක්රියාකාරීන් දෙදෙනකු වන ලලිත් කුමාර් වීරරාජ් සහ කුගන් මුරුගානන්ද යන පුද්ගලයන් අතුරුදන්වීම සම්බන්ධයෙන් නැවත විමර්ශන ආරම්භ කිරීමට වැඩබලන පොලිස්පතිවරයා අපරාධ පරීක්ෂණ දෙපාර්තමේන්තුවට නියෝග ලබාදී ඇති බව මහජන ආරක්ෂක අමාත්ය ආනන්ද විජේපාල මහතා පාර්ලිමේන්තුවේදී අද (8) පැවසීය.
අමාත්යවරයා සඳහන් කළේ ඔවුන් දෙදෙනා අතුරුදහන් වී ඇත්තේ 2011 වර්ෂයේදී බවයි.
මෙම නඩුව 2014 වර්ෂයේදී අවසන් වරට කැඳ වූ අවස්ථාවේදී නඩුව බහා තැබීමට අධිකරණය නියෝග කළ බවත් මේ දක්වා විමර්ශනවල ප්රගතියක් අත්පත් කරගෙන නැති හෙයින් වැඩබලන පොලිස්පති අලුතින් පරීක්ෂණ පැවැත්වීමට අපරාධ පරීක්ෂණ දෙපාර්තමේන්තුවට අවශ්ය නියෝග හා උපදෙස් ලබා දී ඇති බවත් විජේපාල මහතා කීය.
ඒ අනුව මනුෂ්ය ඝාතන සහ සංවිධානාත්මක අපරාධ විමර්ශන අංශය එම විමර්ශන යළි ආරම්භ කර තිබේ.
