Telephone:
+94779456435

Email:
editor.todaynewslk@gmial.com

HNB Remit මගින් අගනා ත්‍යාග දිනා ගන්න ඔබටත් අවස්ථාවක්

1 year ago

ශ්‍රී ලංකාවේ ප්‍රමුඛතම පුද්ගලික අංශයේ බැංකුවක් වන හැටන් නැෂනල් බැංකුව ඔවුන්ගේ HNB Remit ප්‍රවර්ධන වැඩසටහන වන ‘එතෙර සල්ලි සමඟ මෙතෙර දිනන්න’ හරහා පිටරට සිට එවන මුදල් (ප්‍රේෂණ) ගෙන්වාගත් ගනුදෙනුකරුවන් සමඟ ඇති දිගුකාලීන සම්බන්ධතාවය තවත් ශක්තිමත් කරමින් ඔවුන්ව ඇගයීමට හා ත්‍යාග ලබා දීමට පසුගියදා කටයුතු කළේය.

2025 ජුනි 2 වන දින ආරම්භ වූ මෙම ප්‍රවර්ධන වැඩසටහන 2025 අගෝස්තු 24 වන දින දක්වා ක්‍රියාත්මක වන අතර එම කාලය තුළ HNB Remit සේවාව සමඟ අත්වැල් බැඳගෙන ඇති ජාත්‍යන්තර හවුල්කරුවන් හරහා එතෙර සිට එවන මුදල් ලබා ගන්නා ගනුදෙනුකරුවන්ට සෑම සතියකම රු. 50,000 ක් දිනා ගැනීමේ අවස්ථාව ලබා දෙයි.

මෙම ප්‍රවර්ධන වැඩසටහනේ අරමුණ වන්නේ විදේශයන්හි ජීවත්වන සහ රැකියාවල නිරත ශ්‍රී ලාංකිකයින්ට මෙරටට මුදල් එවීමේදී ආරක්ෂිත, වේගවත් සහ විශ්වාසනීය ප්‍රේෂණ සේවාවක් ලෙස HNB Remit භාවිතා කිරීමට දිරිගැන්වීමයි. තවද මෙය පැවැත්වෙන කාල සීමාව තුළ රියා, වෙස්ටර්න් යුනියන්, මනිග්‍රෑම් හෝ වෙනත් ඕනෑම ජාත්‍යන්තර ප්‍රේෂණ සේවාවක් හරහා මුදල් ලබා ගන්නා ගනුදෙනුකරුවන් සතිපතා දිනුම් ඇදීමකට ඇතුළත් වේ. ඒ අනුව සෑම සතියකම, අහඹු ලෙස තෝරා ගනු ලබන එක් වාසනාවන්ත ජයග්‍රාහකයෙකුට ඔවුන් තුළ බැංකුව කෙරෙහි පවතින අඛණඩ විශ්වාසයට කෘතගුණ සැලකීමක් ලෙස රුපියල් 50,000 ක ත්‍යාග මුදලක් ලබා දෙයි.