2025 දකුණු ආසියානු මලල ක්රීඩා තරගාවලියට එක්වෙමින් එහි අනුශූරතාව හිමිකරගත් ශ්රී ලංකා කණ්ඩායම අද (28) අලුයම දිවයිනට පැමිණ තිබෙනවා.
එම කණ්ඩායම පිළිගැනීම සඳහා ක්රීඩා අමාත්ය සුනිල් කුමාර ගමගේ ඇතුළු පිරිසක් කටුනායක ගුවන්තොටුපොලට පැමිණ සිටියා.
ඉන්දියාවේ පැවති 04 වැනි දකුණු ආසියානු මලල ක්රීඩා තරගාවලියේදී ශ්රී ලංකා කණ්ඩායම රන් පදක්කම් 16ක් , රිදී පදක්කම් 14ක් සහ ලෝකඩ පදක්කම් 10ක් සමග පදක්කම් 40ක් දිනා ගත්තා.
මෙම දකුණු ආසියානු මළළ ක්රීඩා තරගාවලියේ රන් පදක්කම් ත්රිත්වයක් දිනාගැනීමට ශෆියා යමික් සමත් වූ අතර ශ්රී ලංකාවේ රුමේෂ් තරංග තරගාවලියේ දක්ෂතම ක්රිඩකයා ලෙස සම්මාන හිමිකරගත්තා.
