එයාර් බස් (Airbus) ගුවන් යානා මිලදී ගැනීමේදී සිදුවූයේ යැයි කියන අල්ලස් ලබාගැනීමේ සිද්ධියට අදාළව හිටපු අමාත්ය චමල් රාජපක්ෂගේ පුත් ෂමීන්ද්ර රාජපක්ෂ සහ කපිල චන්ද්රසේනගේ බිරිඳ වන ප්රියංකා නියෝමාලී විජේනායක අත්අඩංගුවට ගෙන ඉදිරිපත් කරන ලෙස දන්වා විවෘත වරෙන්තු නිකුත් කරන ලෙස කොළඹ මහේස්ත්රාත් අධිකරණය අද (02) නියෝග කළේය.
අල්ලස් හෝ දූෂණ චෝදනා විමර්ශන කොමිෂන් සභාව විසින් ඉදිරිපත් කළ කරුණු සලකා බැලීමෙන් අනතුරුව, කොළඹ ප්රධාන මහේස්ත්රාත් අසංග එස්. බෝදරගම මහතා මෙම නියෝගය නිකුත් කළේය.
අදාළ වරෙන්තු නියෝගය මෙරට සියලුම ගුවන් තොටුපළවල් වෙත යොමු කරන ලෙස ප්රධාන මහේස්ත්රාත්වරයා නියෝග කළේය. යම් හෙයකින් මෙම සැකකරුවන් ශ්රී ලංකාවට පැමිණියහොත් ඔවුන් වහාම අත්අඩංගුවට ගෙන අල්ලස් කොමිසම වෙත දැනුම් දෙන ලෙස මහේස්ත්රාත්වරයා ආගමන හා විගමන පාලකවරයාට වැඩිදුරටත් නියම කර ඇත.
