ශ්රේෂ්ඨාධිකරණය සහ අභියාචනාධිකරණය ඇතුළු උසස් අධිකරණ විනිසුරුවන්ගේ විශ්රාම වයස දීර්ඝ කිරීම සඳහා යෝජිත ආණ්ඩුක්රම ව්යවස්ථා සංශෝධනය සම්බන්ධයෙන් ශ්රී ලංකා නීතිඥ සංගමය ඉදිරිපත් කළ කරුණු ජනාධිපති අනුර කුමාර දිසානායක මහතා වෙත දැනුම්දීමට අධිකරණ අමාත්ය හර්ෂණ නානායක්කාර මහතා එකඟ වී තිබෙනවා.
ඒ, අද (29) පස්වරුවේ අධිකරණ අමාත්යවරයා සහ ශ්රී ලංකා නීතිඥ සංගමයේ නියෝජිතයින් අතර පැවති විශේෂ සාකච්ඡාවකින් අනතුරුවයි.
සාකච්ඡාවෙන් පසු මාධ්ය වෙත අදහස් දැක්වූ නීතිඥ සංගමයේ සභාපති රජීව් අමරසූරිය මහතා සඳහන් කළේ, යෝජිත ව්යවස්ථා සංශෝධනය මේ අවස්ථාවේදී ක්රියාත්මක නොකරන ලෙස සංගමයේ ස්ථාවරය අමාත්යවරයා වෙත දැනුම්දුන් බවයි.
ඒ සම්බන්ධයෙන් ජනාධිපතිවරයා දැනුවත් කර ඉදිරි තීරණය දැනුම්දීමට කටයුතු කරන බව අධිකරණ අමාත්යවරයා නීතිඥ සංගමයට දැනුම් දී ඇති බවද ඔහු වැඩිදුරටත් සඳහන් කළා.
