Telephone:
+94779456435

Email:
editor.todaynewslk@gmial.com

මහර බන්ධනාගාරයේ නවතම තත්ත්වය! රැඳවියන් 04 දෙනෙකු රෝහලට!

4 months ago

මහර බන්ධනාගාරය තුළ අද (01) පස්වරුවේ හටගත් නොසන්සුන්කාරී තත්ත්වය මේ වන විට පාලනය කිරීමට පියවර ගෙන ඇති බව බන්ධනාගාර දෙපාර්තමේන්තුව පවසයි. රැඳවියන් සහ බන්ධනාගාර නිලධාරීන් අතර ඇතිවූ මතභේදාත්මක තත්ත්වයක් මුල්කරගනිමින් මෙම නොසන්සුන්තාව හටගෙන තිබේ.

මෙම නොසන්සුන්තාවය හේතුවෙන් රැඳවියන් 4 දෙනෙකු තුවාල ලබා ඇති බවයි වාර්තා වන්නේ.

තත්ත්වය පාලනය කිරීම සඳහා අතිරේක බන්ධනාගාර නිලධාරීන් කැඳවා ඇති අතර, බන්ධනාගාර පරිශ්‍රයෙන් පිටත ආරක්ෂාව තර කිරීම සඳහා පොලීසිය සහ පොලිස් විශේෂ කාර්ය බළකාය (STF) යොදවා ඇත.

නොසන්සුන්තාව අතරතුර රැඳවියන් විසින් බන්ධනාගාර ප්‍රධාන ජේලර්වරයාගේ කාර්යාලයට සහ විනය අංශයට ගිනි තබා ඇති අතර, එම ගින්න මැඩපැවැත්වීමට අවශ්‍ය පියවර මේ වන විට ගෙන ඇති බව බන්ධනාගාර ආරංචි මාර්ග සඳහන් කරයි.

මේ අතර, අද පස්වරුවේ රැඳවියන්ගේ සුවදුක් බැලීමට පැමිණි ඥාතීන්ට බන්ධනාගාරය තුළට යාමට අවසර හිමිව නොමැති අතර, ඔවුන් මේ වන විටත් මහර බන්ධනාගාරය ඉදිරිපිට රැඳී සිටින බව වාර්තා වේ.