නොතීසියක් ලැබුණු පසු කොළඹ මහාධිකරණය හමුවේ පෙනී සිටින ලෙස හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂට සහ හිටපු නාවික හමුදාපති වසන්ත කරන්නාගොඩ මහතාට කොළඹ මහෙස්ත්රාත් අධිකරණය අද (04) නියම කළේය.
අල්ලස් කොමිසම විසින් මෙම සැකකරුවන්ට එරෙහිව ගොනුකර ඇති පැමිණිල්ල කොළඹ ප්රධාන මහෙස්ත්රාත් අසංග එස්. බෝදරගම මහතා හමුවේ කැඳවූ අවස්ථාවේදී සැකකාර යෝෂිත රාජපක්ෂ සහ වසන්ත කරන්නාගොඩ යන මහත්වරුන් අධිකරණයේ පෙනී සිටියහ.
එහිදී අල්ලස් කොමිසම මඟින් ඉදිරිපත් කළ කරුණු සලකා බැලූ ප්රධාන මහෙස්ත්රාත්වරයා මෙම නියෝගය නිකුත් කිරීමට පියවර ගත්තේය.
